Psa 3 | KYG | STEP | Ala kava nene, hu'na, Vaehae, kame vaya'nimo mago'e mago'e hu'a asole vaya'mo afole ne'aiye. Asole vaya'mo natale u'a kame hu'a ne'natae.

Psalms 3

Nevini mafa'ne'amo Apasalomi'a hafai'nigeno'ae'mo Nevini'mo nunumu hu'niya gemae

1 Ala kava nene, hu'na, Vaehae, kame vaya'nimo mago'e mago'e hu'a asole vaya'mo afole ne'aiye. Asole vaya'mo natale u'a kame hu'a ne'natae. 2 Apakaemo nagaefe'mo, Goti'a ha o'maegaiye, hu'a nehae. 3 Nehaya'monanafa Ala kava nene, kagaemo halegu'nimo mai'nane. Kagaeke'mo naha mae'nanage'na ae'na ne'apakasove. Kagaeke'mo alika he tika ne'natana vekamo mai'nane. 4 Nagaemo Ala kava nefeke'mo alopa gefati'mo keya ae'na ge nehugeno'ae'mo aote avele'mo mono no'afati'mo ne'afiye. 5 Muki hani'ilagamo hipa'nile'mo hai'na nau'mo nekalogeno'ae'mo Ala kava ne'mo'a yagaino ne'nate. 6 Asole kame vaya'nimogimo fai'a ku ai'a ne'nataya'monanafa koli'apimo nosuve. 7 Ala kava nene, Goti'nimogamo, he tika nagufamo alika katika nato. Kagaemo muki kame vaya'nimo kayo'mo ne'apaminageno'ae'mo lokiya'apimo alagi hano nehiyanage'a o'nahaegae. 8 Kagaeke'mo lagufamo alika katika nelatane. Vaya'amo fiku hapa maeno apamino.